ITSAS HONDAKINEN ERRONKA

Ikasturte honetan zehar Gipuzkoako 9 zentroetako 3.DBHtik 2.Batxilergora bitarteko 400 ikasle baino gehiagok itsas hondakinen arazoari aurre egiteko tokian tokiko 107 proiektu garatu dituzte, ingurumenaren zaintzako ekintzaile izanik eta aldaketaren protagonistak direla frogatuz.

Proiektuen epaimahaiak lan gogorra izan du aurten sortu diren 100 proiektu baino gehiago arretaz ebaluatzeko eta denen artean 10 proiektu finalistak zeintzuk diren ikusteko. Benetan harrituta geratu dira aurten atera diren proiektuengatik:  kalitatearengatik, murrizketa proiektu asko atera direlako (plastikozko poltsak, tetrabrikak, edalontziak, jogurt poteak), herriko eragile ezberdin asko inplikatu dituztelako (udaletxeak, kafetegiak, kirol elkarteak, komertzioak…) eta komunikazioari indar piloa eman diotelako (kartelak, web-orriak, laburmetraiak, triptiko banaketa, herriko aldizkariak …).

Eta MATEReko lan taldearen partez zer esan, hunkitu egiten gara urtero aurrera eramaten dituzten proiektuengatik, horien atzean ikasle eta irakasleen lana eta inplikazioa ezinbestekoa delarik, benetan oso harro egoteko modukoa.

Orain, ospatzeko garaia iritsi da! Ekainak 20an, zentro ezberdinetako ikasleak bilduko ditugu Pasaiako Juanba Berasategi aretoan amaiera ekitaldi bat ospatzeko 17:00etatik 18:00etara. Ekitaldi honen helburua, proiektu finalisten ikasleak ahalduntzea, haien lana aintzatestea, ikasleak elkar ezagutzea eta arratsalde polit bat elkarrekin partekatzea da. Ikasleak dira protagonistak eta haien proiektua gauzatzen lagundu duten eskolak, udaletxeak, epaimahaia eta beste kolaboratzaileak ere gonbidatu nahi ditugu. Ongietorriak!

Konfirmazioa beharrezkoa: proiektuak@mater.eus

Programa:

17:00 Ongietorria Juanba Berasategi aretoan MATEReko zuzendariaren eskutik

17:10 ITSAS HONDAKINEN ERRONKA hezkuntza proiektuaren aurkezpena 

17:20 2023-24 ikasturteko 10 proiektu irabazleen aurkezpena

17:20-17:50 Epaimahaiak eta MATEReko kideek proeiektu irabazle bakoitzeko ikasle-taldeari diploma eta errekonozimenduaren entregaentraga egingo dio. Ikasleek haien proiektuaren lorpen emaitza garrantzitsuenak azalduko dituzte.

17:50 Galderak etado komentarioak

18:00 Amaiera lunch-a

Zorionak gazte guztiei!